Aizkorreta (Gardamaias)

Barakaldo, 6-2-74; Altura: 1,85; Peso: 84. Procede do Logroñés

Está chamado a convertirse nunha das referencias do equipo. O gardamaias bilbaino posúe unha seguridade especial baixo os paos da meta racinguista. Saído da escola de Lezama, ten moitos anos de experiencia na Segunda División A.

De Navas (Gardamaias)

Madrid, 7-12-76; Altura: 1,87; Peso: 90. Procede do Manchego.

O gardamaias madrileño será a alternativa a Aizkorreta. Na pretemporada demostrou grandes reflexos baixo os paos. O clube racinguista apostou pola súa sobriedade e xuventude.

Xabier Horcajada (Lateral dereito)

Mollerussa (Lleida), 5-1-69; Altura: 1,72; Peso: 66. Procede do Castellón.

Garantía de regularidade na súa traxectoria no plantel racinguista. Posúe unha velocidade inusual para incorporarse a tareas atacantes. É un dos fixos de tódolos adestradores. O de Mollerussa regresa a 2ª División trala súa etapa nesa categoría co Palamós.

Juan Carlos (Central-lateral esquerdo)

Cadiz, 18-8-71; Altura: 1,84; Peso: 79. Procede do San Fernando.

Vai a ter que pelexar moi duro para xogar, pero axudará ó equipo en calqueira posición da zaga. O gaditano acumulou moita experiencia dende a súa chegada de 3ª División. Moi forte físicamente, pode facer dano na estratexia a balón parado.

Alberto (Central)

Valdoviño, 27-5-67; Altura: 1,78; Peso: 79. Procede do Elxe.

O "percebe" é inacabable. Xogador de clube por excelencia. Sempre pasa desapercibido, pero a súa regularidade é impresionente. A idade non é un problema para él. Estivo en 2ª co Elxe e podería aportar moita seguiridade no centro da defensa.

José Ángel (Defensa)

Talavera, 12-3-75; ALtura: 1,75; Peso: 72. Procede do Zaragoza B.

O futbolista de Talavera pode actuar coma lateral dereito ou esquerdo, posúe unha capacidade de sacrificio fóra de toda dúbida. Non é un xogador brilante, pero sí efectivo. Aportará moito traballo e dará máis posibilidades a Luis César para elixí-las aliñacións.

Javi Rodriguez (Defensa)

Oviedo, 13-12-75; Altura: 1,75; Peso: 72. Procede do C.D. Onda.

O defensa asturiano pegou forte na pretemporada. A súa polivalencia é importante para o plantel. Chega cedido polo Vilareal e reforzará o posto ocupado ate o de agora por Horcajada. Tamén pode actuar como carrileiro nunha defensa de 5.

Aira (Central)

Ponferrada, 14-3-76; Altura: 1,81, Peso: 84. Procede do Tenerife.

Formará parte do eixo da zaga. A súa primeira experiencia co Tenerife o fixo medrar como futbolista. O berciano ten un físico privilexiado. Debe sé-lo relevo natural de Alberto. É rápido e dada a súa altura deberá aproveitá-los corners para marcar.

Pablo (Lateral esquerdo)

Viveiro, 7-6-75; Altura: 1,74; Peso: 70. Procede do Lugo.

O "correcamiños" vivariense. Gañouse o respeto de tódala afección durante a tempada pasada. A súa potencia de cara ó gol -especialmente dende o punto de penalti- da confianza ó resto dos seus compañeiros. Ten un guante na súa perna esquerda.

Íñigo (Central)

Victoria, 19-12-72; ALtura: 1,80; Peso: 72. Procede do Aurrerá.

O defensa victoriano loitará por un posto na defensa xunto con Alberto e Aira. Demostrou ser rá pido e posúe un grande sentido da anticipación. O clube apostou por él para os próximos 3 anos e pode ser unha das grandes sorpresas.

Manu (Medio)

Ferrol, 2-11-71; Altura: 1,76; Peso: 69. Procede do San Pedro.

O capitán racinguista é o corazón do equipo. O pulmón do cadro verde. Completou a tempada pasada un dos seus mellores anos. A afección o quere como a ninguén e él pode corresponder mellor ca nunca para demostrar que en segunda A tamén é válido.

Sanromán (Medio)

Vigo, 23-11-71; ALtura: 1,75, Peseo: 72. Procede do Levante.

O "centurión" é unha garantía no once dende hai varios anos. Indiscutible para a afección, como Guardiola no Barça. O seu olfato goleados pódese espertar esta campaña. O olívico é único desprazando o balón. O seu toque recorda ós grandes maestros.

Manel (Medio)

Ferrol, 9-5-72; Altura: 1,78; Peso: 74. Procede do Elxe.

A "xoia da coroa" do plantel. Non estivo fino na pretempada, pero a confianza que inspira para o campionato da certa seguridade ós afeccionados. A banda dereita é súa polo momento. O seu talento para desequilibrar no 1 contra 1 é indudable.

Sueiro (Medio-Dianteiro)

Bilbao, 16-2-76; Altura: 1,82; Peso: 77. Procede do Barakaldo.

A grande revelación do final de campaña. Empezou coma centrocampista, pero os problemas en ataque o devolveron á súa posición natural. A velocidade e o seu bo facer no un contra un concédenlle certas posibilidades de xogar en varios postos.

Émery (Medio)

Hondarribia, 3-11-71; Altura: 1,76; Peso: 69. Procede do Toledo.

Outro futbolista con ampla experiencia na división de plata. O de Hondarribia actúa coma interior. Os seus centros levan medio gol nas súas botas. Parece que será un dos fixos nas aliñacións. Dará seguridade ó resto dos seus compañeiros co seu grande traballo.

Abel Baudés (Medio)

Valencia, 11-7-77; Altura: 1,82; Peso: 80. Procede do Onda.

Está cedido polo Vilareal. Estivo a punto de formar parte do primeiro equipo do Castellón. É un centrocampista de recorrido. Bo "pelotero" que terá que competir xunto ó resto de medio centros. Luis César probouno coma defensa central.

Rivera (Medio)

Córdoba, 6-11-77; Altura: 1,82; Peso: 75. Procede do Madrid B.

Sobriedade e traballo no centro do campo do Racing. Ten unha grande calidade. Competirá directamente con Sanromán por un posto, aínda que poderían ser compatibles. Ven cedido polo Raio Vallecano e espera continuar coa súa progresión futbolística.

Henrique (Medio)

Rio de Janeiro, 21-11-78; Altura: 1,78; Peso: 76. Procede do Deportivo.

Henrique Vieira Mata, terá que adaptarse pouco a pouco ó equipo. O futbolista brasileiro será o único Xogador extranxeiro. Pode xogar de lateral ou interior, pero deberá aprender do futbol español. Posúe unhas grandes cualidades físicas para triunfar no Racing.

Uriz (Medio)

Pamplona, 28-9-70; Altura: 1,82; Peso: 74. Procede do Logroñés.

Outro dos futbolistas que militou a temporada pasada no Logroñés. A súa participación nas últimas tempadas na 2ª A garantiza ó Racing un Futbolista experimentado. Medio centro de corte defensivo que axudará ó compañeiro que se encargue de construir.

David Martín (Dianteiro)

Valladolid, 6-6-74; Altura: 1,73; Peso: 71. Procede do Numancia.

Sólo puido aportaró seu bo facer en parte da primeira tempada. O pucelano é un segundo dianteiro excepcional. Co balón nos pes fai dano cos seus pases de gol. Osixena o futbol de ataque do conxunto verde. Xogou en segunda co Numancia.

Fran Nogueira (Dianteiro)

Ferrol, 4-8-72; Altura: 1,80; Peso: 78. Procede do Leça.

A volta a casa de Fran Nogueira é o regreso dun dos canteiranos de Ferrolterra na emigración. Este futbolista ven para marcar goles. O xogador departamental goleou na liga portuguesa. Oseu traballo en beneficio do equipo é un dos seus puntos fortes.

Pazolo (Dianteiro)

Vigo, 9-4-69; Altura: 1,81; Peso: 79. Procede do Pontevedra.

A grave lesión que fixo temer pola súa continuidade parece superada. En segunda terá oportunidade de demostrar que ten un oco na aliñación titular. Os goles foron a súa carta de presentación ó longo da súa traxectoria coa camisola racinguista.

Villa (Dianteiro)

Madrid, 12-4-76; Altura: 1,83; Peso: 78. Procede do Madrid B.

O ariete madrileño chega cedido polo Osasuna. Convertiuse no máximo artilleiro da pretempada verde. Aínda que non é un goleador, dará moito que falar pola calidade demostrada durante a preparación. Define no 1 contr 1, algo que necesitaba o equipo.

Borja (Dianteiro)

Madrid, 19-4-76; Altura: 1,80; Peso: 73. Procede do Logroñés.

O dianteiro madrileño demostrou que a súa máxima prestación é a velocidade. Ademáis a súa capacidade de sacrifio está fóra de toda dúbida. Pode sorprender coma o fixo na última etapa da tempada pasada, marcando goles importantes para o Racing