Cumu bien dixu Xose Benitu Mateos Pascual (candidatu pa las eleiciones del PREPAL) na editorial la su revista lleutrónica escrita na fala propia la comarca'l Rebollar, la nuesa tierra muerrese. "Tó lo que jadi especial a la nuestra tierra está en peligru de desaparecel dis quí  pocu tiempu si no se le poni remediu. Peru esta mesma frasi tieni un sinificáu más grandi, y que se puedi ussal pa chalral alreol de la nuestra Tierra, el nuestru planeta Tierra".

El tiempu atmosféricu yá yía irregular. Lu mesmu tamos en Xaneiru y fainos un día soleáu, qu'en Estíu y orbayandu. Y nun sólu falamos d'orbaya, que tamién del clima, calurosu y fríu al mesmu tiempu. Y la sequía paulatina... Yá queda menos agua, y si falta agua, falta la vida.

"Tenemus de mirar qué podemus jadel nusotrus pa tratal mejol a la Madri Naturaleza.Quiciás cosas tan cencillas comu no tenel la teli puesta cuandu no la estamus viendu, o regal los tiestus con agua del charail, o enllenal la lavaora en vés de ponela a la metá, o no tiral papelis al suelu (o a las cunetas, o en metá el campu), o no arcendel las lucis cuandu se ve de sobra, o no cogel el cochi pa il a un lugal andi andandu tardamus 5 minutus,... Son cosinas chicas que sí están en la nuestra manu y que, quiciás, salvin un poquinu la nuestra tierra y el nuestru futuru".

Y, ¿qué asocederá cuandu los pececines que xantamos acompangaos d'una ensalada nas tardes d'Agostu muerran? ¿Qué asocederá si nun llueve y los campos huertanos de Murcia, pur exemplu, nun den hortalizas, nen verduras? Munchos problemas, de seguru.

Pur eillu, nel Enzineu espublicamos esti mes de mayu un trabayu unviáu pur unos colaboradores dende Bilbáu. Esperu que-ys sirva d'algu; esperu que nos sirva d'algu.

Ander Medina
Direutor del Enzineu