L'IRC (Internet Relay Chat) ye un protocolu de comunicación en tiempu rïal basáu en testu, que permite alderiques en grupu ente dúas presonas y que ta clasificáu dientru de la Mensaxeria istantánea. Las conversaciones desenrróllanse nas chamadas canales d'IRC, cuyu nome davezu entama pul caráuter # ou & (esti cabeiru sólu ye utilizáu en canales llocales de servidor). Ye un sistema de charlas fondamente utilizáu pur presonas de tol mundu.

Los usuarios d'IRC utilizan una aplicacion cliente pa coneutase cun un servidor, nel que furrula una aplicación IRCd (IRC Daemon ou servidor d'IRC) que xestiona las canales y las alderiques.

IRC fou creyau pur Jarkko Oikarinen (alias "WiZ") n'agostu de 1988 cul envís de sustituyir al programa MUT (talk multiusuariu) nun BBS chamáu OuluBox en Finlandia. Oikarinen ispiróuse nel Bitnet Relay Chan el cualu operaba na rede Bitnet.

L'IRC ganóu popularidá cuandu fou utilizáu nel tentu de golpe d'estáu na Xunión Soviética de 1991 pa informar al traviés d'un periódicu de censura nos medios. Fou utilizáu d'asemeyada maneira pulos Kuwaitíes durante la Invasión a Irak.